बिर्ला गणपती मंदिर | Birla Ganpati Temple | धार्मिक भटकंती | Dharmik Bhatkanti | पुणे | Pune | Sahyadri Bhatkanti

धार्मिक भटकंती सिरीज - बिर्ला गणपती मंदिर, पुणे

नैसर्गिक सौंदर्य आणि हिरवाईने वेढलेले पुण्यातील बिर्ला गणपती मंदिर असंख्य भाविकांना आकर्षित करते. ह्याच ठिकाणाची माहिती आपण धार्मिक भटकंती (Dharmik Bhatkanti) ह्या सिरीजमध्ये घेणार आहोत. 

भल्या पहाटेच पुण्यावरून देहू रोडला निघालो आणि तेथून मुंबई पुणे जुन्या महामार्गावर (Mumbai Pune Old Highway) असलेल्या सोमाटणे टोल नाक्याला आलो (Somatne Toll plaza). 

सोमाटणे टोलनाका

पुण्यापासून जवळपास ३० किमी अंतरावर हे ठिकाण आहे. येथून भव्य अशी बाप्पाची मूर्ती दिसेल. हेच बिर्ला गणपती मंदिर. 

टोल नाक्यापासून दिसणारी बाप्पाची मूर्ती

टोलनाका पासून प्रतिशिर्डी शिरगाव (Pratishirdi, Shirgaon) येथे जाणाऱ्या वाटेने निघालो. 

प्रतिशिर्डी, शिरगाव येथे जाणारा मार्ग

ह्या मार्गावर अर्धा किमी पुढे आले की डाव्या बाजूला एक वाट जाते. 

मंदिराकडे जाणारी वाट

दुतर्फा कशीबशी चारचाकी जाईल अशी ही वाट.

मंदिराकडे जाणारी वाट 

मंदिराच्या पायथी पार्किंगची सुविधा आहे. 

मंदिराच्या पायथी असलेली पार्किंग

गेटमधून प्रवेश केल्यानंतर जवळपास १८० पायऱ्या चढून बाप्पाकडे जाता येते. 

बाप्पाकडे जाणारी पायऱ्यांची वाट 

७२ फुटी बाप्पाची भव्य मूर्ती, १८ फूट उंच आणि ५४ फूट लांब चौरंगावर उभारण्यात आली आहे. 

बिर्ला गणपती मंदिर 

१००० टन वजनी मूर्ती बनवण्यासाठी २ वर्ष लागले व मूर्तिकार मातुराम वर्मा आणि नरेश वर्मा यांनी ही मूर्ती घडवली आहे. मूर्तीची स्थापना १७ जानेवारी २००९ रोजी जयश्री चॅरिटी ट्रस्ट तर्फे सरला बिर्ला यांनी केले आहे.

बिर्ला गणपती मंदिर 

पुणे व जवळच्या ठिकाणांहून शेकडो भाविक येथे रोज बाप्पाचा आशीर्वाद घेण्यासाठी येत असतात. 

बिर्ला गणपती मंदिर 

बाप्पासोबत सेल्फी

वरून दिसणारे दृश्य पर्यटकांना भुरळ पडू शकते व पर्यटक शोधत असलेली मनःशांती नक्कीच येथे भेटेल. 

मंदिरापासून दिसणारे दृश्य 

बिर्ला गणपती मंदिर 

आपण बारमाही येथे येऊ शकता. गणपती मंदिर परिसराचे सुशोभीकरण करण्यात आले आहे. 

मंदिरामागे केलेले सुशोभीकरण

जवळील बेगडेवाडी रेल्वे स्टेशन (Begdewadi railway station) पासून आधी घोरावडेश्वर लेणी (Ghoravadeshwar caves) व मग बिर्ला गणपती असा एक छोटा ट्रेक करता येतो. 

ह्या दिशेला असलेले जवळील बेगडेवाडी रेल्वे स्टेशन 

घोरावडेश्र्वर लेणी असलेले समोरील डोंगर

आणि वेळ असेलच तर येथून २ किमी अंतरावर असलेले प्रतीशिर्डी शिरगावला देखील भेट देऊ शकता. काही वेळ बाप्पाचे भव्य रूप न्याहाळत बसलो आणि मग परतीच्या प्रवासाला लागलो.

बिर्ला गणपती मंदिर 

मुंबई पुणे जुन्या महामार्गावरून दिसणारे बाप्पा

आपल्याला ही धार्मिक भटकंती सिरीज कशी वाटली ते मला कॉमेंट्स मध्ये नक्की कळवा आणि ह्या सिरीज मधील अन्य व्हिडिओ पाहण्यासाठी धार्मिक भटकंती इथे क्लिक करा.

ह्याच भटकंतीचा YouTube व्हिडिओ पाहण्यासाठी बिर्ला गणपती मंदिर इथे क्लिक करा.

जय शिवराय

#birla #ganpati #temple #somatane #talegaon #pune #DharmikBhatkanti #SahyadriBhatkanti